Søvnløyse
Fra Norske Dikt
Hopp til navigeringHopp til søkI natt fekk eg ikkje sova.
Eg hugsa at nokon ein gong
ved slike høve rådde meg til
å tella sauer. Eg så gjorde,
heilt til eg ikkje såg anna
enn irriterande ulldottar,
og sovna gjorde eg ikkje.
Så eg sto opp og slengde
meg over dei, ein for ein,
let saksa dansa over krøllene
til kvart krek var glattbarbert.
Men då sto stakkarane der
og fraus med både
anklagande og bedande auge,
hakka tenner og brekte seg.
Så eg angra meg, kara ulla
og vevde varme teppe til dei.
Det minste eg kunne gjera,
fekk så alikevel ikkje sova.
av Kjell E Thorkildsen
Slå på automatisk oppdatering av kommentarer