Noregs Konung.

Fra Norske Dikt
Hopp til navigeringHopp til søk

I gamle Dagar
        - so segjer soga -,
naar daa det høvde,
        at einkvar fraaga,
kvar Noregs Konung
        aa finna var,
han fekk paa Spursmaalet
        detta Svar
- og Ordi høyrdest
        so trygdar-sterke -:
"Der stend han. Fremst
        under Noregs Merke!"

Og Øyvind Skrøya
        han steig iland
med Hat i Hug
        og med Sverd i Hand.
Og Haakon Konung,
        han stod her hitar
som Landa-Verja
        Med "Kverna-Bitar";
og Noregs Konung
        Bar Noregs Sak,
og Noregs Menn
        stod stydjande bak.

Og Konungens Hand,
        som ho det var van,
gav Øyvind Løn
        fyr Hæding og Ran,
og sama Løni
        fekk endaa fleir.
Og Løni var slik,
        at dei kravde kje meir.

Og Hæding fær Noreg
        enn, som me sjaa,
og enno vert Noreg
        trakka paa Taa.
Men aldri bry deg,
        det stend inkje paa;
for Noreg, det hev
        sin Konung endaa!

Men um du vil spyrja
        som so idag:
"Kvar meinar du no
        eg kann finna, paalag,
Noregs Konung
        i denna Verdi?"
- Aa, reis til Stockholm,
        - og Lukka paa Ferdi!

av Per Sivle.

Skriv noe positivt og fornuftig
Alle fornuftige kommentarer er varmt velkommne her på Norske Dikt. Dersom De ikke er hypp på å skrive anonymt kan De registrere Dem og/eller logge inn. Det er ekstra gratis.