Eg skriv for å be om stillheit

EG SKRIV FOR Å BE OM STILLHEIT

leitar fram ord som kan
småprate med stjernehimmelen
ei ømheit
som kan kjærteikne polarstormane
sanningar som sler hjul
i kaleidoskopet


det er for mange ord i verda


glir inn som mørke lågtrykk
på lynsjetukt
eller som blåveismusikk og plissert uskuld
midtvinters i sommarnatta
for å beføle naboens intensjonar


verst er likevel ord
som legg verda
i lake av bitterheit
før dei snur seg over


på sida

Dikt av Hans Anton Grønskag

• Dreve i land
• Eg skriv for å be om stillheit
• Så mange ord
• Skagen