Sumarkveld paa Færøyane

Det skumar paa Fjellet, der Heiloi skrik
fraa solraude Tuva . . . det kyrrast i Vik . . .
og Smaabaara skvalar og kviskrar mot Strand,
med drøymande Dalar ligg Færøyaland.

Fraa Bygdi stig Røyken av Ljoren i Ro . . .
ein Fiskar glid heim etter Dagsverk paa Sjo,
og alle dei Øyar og Tindar i Rad
dei gyllest so vent no ved Solarglad.

Men Blomen han luter sitt Hovud mot Kveld,
med' Vesthimlen logar og gløder som Eld,
so bleiknar det av . . . med ei ljosleitt Rand
ligg Høgsumarnotti yv' Færøyaland.